| يَاآهْلَ اللَّهْ وْ دْعِيوْوا لِي | بْدْعَاكُمْ نْتْشَافَى             |
| --------------------------------- | ---------------------------------- |
| بِجْنَاحْكُمْ غْطِّوْنِي          | يَا وْلاَدْ آلشُّرَفَا             |
| شِيخِي عْنْدُو الْعْسْلْ          | فِي خْوَابِي مَحْضِيَّة            |
| الْفُقَرَا كِيفْ النّْحْلْ        | يْرْعَاوْوا بِالْكْمِيَّة          |
| يَا الْقَايِلْ قُلْ اللَّهْ       | عْمّْرْ بِهَا وْقَاتْكَ            |
| مَا تَجِدْ غِيرَ اللَّهْ          | عْنْدْ مَوْتْكْ وْ حْيَاتْكْ       |
| مْنْ مُدَّة وَانَا نْسَالْ        | أْعْلَى دَارْ سْيَادِي             |
| قَالُوا لِي بِمَدَاغْ             | أَهْلُ بَيْتِ آلنَّبِي             |
| شِيخِي وَ يَا الْحْنِينْ          | أَنْذْكْرْكْ تْحْضْرْ فِي الْحِينْ |
| شِيخِي وَ يَا الْمْخَنْتَرْ       | رَاهْ سْرّْكْ كَيْقْطْرْ           |
| هَذِهِ دَارْ النّبِي              | مَنْ جَاهَا يْدَّاوَى              |
| يْشْرْبْ كِيسَانْ الْحْلِيبْ      | وْيْذُوقْ الْحَلاَوَة              |
| مَجْمَعْكُمْ كُلُّ رْبْحْ         | يَا اهْلَ آللَّهْ سَادَتِي         |
| بِكُمْ قَلْبِي يْفْرْحْ           | عْنْدْ مَوْتِي وْ حْيَاتِي         |
| سْيَادِي يَا اهْلَ النُّوبَة      | جِيتْ طَالِبْ التُّوبَة            |
| يَاالْمْدَاوِي الْجْرَاحْ         | شِيخِي وْلْدْ آلصُّلاَّحْ          |
| يَا شَافِي يَا عَافِي             | يَاالْبَارِي تَعَالَى              |
| جُدْ بِآللُّطْفِ الْخَفِيّ        | حُومْ مَاتْزِيدْ الْحَالَة         |